గుజరాత్ టైటాన్స్ తో మ్యాచ్... రాజస్థాన్ రాయల్స్ కెప్టెన్ గా యశస్వి జైస్వాల్

జైపూర్‌లోని సవాయ్ మాన్‌సింగ్ స్టేడియంలో గుజరాత్ టైటాన్స్, రాజస్థాన్ రాయల్స్ మధ్య ఆసక్తికర పోరుకు రంగం సిద్ధమైంది. ఈ మ్యాచ్‌కు యువ సంచలనం యశస్వి జైస్వాల్ రాజస్థాన్ రాయల్స్‌కు కెప్టెన్‌గా వ్యవహరించడం విశేషం. టాస్ గెలిచిన జైస్వాల్ వెంటనే ఫీల్డింగ్ ఎంచుకున్నాడు.

టాస్ అనంతరం జైస్వాల్ మాట్లాడుతూ.. "మేం బౌలింగ్ చేయాలని నిర్ణయించుకున్నాం. ఈ పిచ్ ఛేజింగ్‌కు అనుకూలంగా ఉంటుందని భావిస్తున్నాం. గత మ్యాచ్‌లో రియాన్ పరాగ్ గాయపడ్డాడు. అతని స్థానంలో షిమ్రాన్ హెట్మెయర్, అలాగే యశ్ రాజ్ పుంజా జట్టులోకి వచ్చారు" అని తెలిపాడు.

మరోవైపు గుజరాత్ కెప్టెన్ శుభ్‌మన్ గిల్ మాట్లాడుతూ.. తాము కూడా టాస్ గెలిస్తే బౌలింగ్ ఎంచుకునేవాళ్లమని చెప్పాడు. తుది జట్టులో ఒక మార్పు చేసినట్లు, మానవ్ సుతార్ స్థానంలో ప్రసిధ్ కృష్ణ తిరిగి వచ్చాడని పేర్కొన్నాడు. తొలి కొన్ని ఓవర్ల ఆటను బట్టి లక్ష్యాన్ని నిర్దేశిస్తామని, సాధారణ స్కోరు కంటే 10-15 పరుగులు అదనంగా చేసి బౌలర్లకు అండగా నిలవాలనుకుంటున్నట్లు వివరించాడు.

గుజరాత్ టైటాన్స్
శుభ్‌మన్ గిల్ (కెప్టెన్), సాయి సుదర్శన్, జోస్ బట్లర్ (వికెట్ కీపర్), నిశాంత్ సింధు, వాషింగ్టన్ సుందర్, జాసన్ హోల్డర్, రాహుల్ తెవాటియా, రషీద్ ఖాన్, అర్షద్ ఖాన్, కగిసో రబాడ, మహ్మద్ సిరాజ్.

రాజస్థాన్ రాయల్స్ 
యశస్వి జైస్వాల్ (కెప్టెన్), ధ్రువ్ జురెల్ (వికెట్ కీపర్), షిమ్రాన్ హెట్మెయర్, డొనోవన్ ఫెరీరా, రవీంద్ర జడేజా, శుభం దూబే, దసున్ షనక, జోఫ్రా ఆర్చర్, తుషార్ దేశ్‌పాండే, బ్రిజేష్ శర్మ, యశ్ రాజ్ పుంజా.

ఇంపాక్ట్ సబ్‌స్టిట్యూట్స్

గుజరాత్ టైటాన్స్: ప్రసిద్ధ్ కృష్ణ, గ్లెన్ ఫిలిప్స్, అనూజ్ రావత్, రవిశ్రీనివాసన్ సాయి కిషోర్, కుమార్ కుశాగ్ర.

రాజస్థాన్ రాయల్స్: వైభవ్ సూర్యవంశీ, ఆడమ్ మిల్నే, రవి సింగ్, సుశాంత్ మిశ్రా